Saturday, August 24, 2013

‘ഗുരുസമക്ഷം’ - ശ്രീ എം

ഒരു ഹിമാലയൻ യോഗിയുടെ ആത്മകഥ
Gurusamaksham-Oru Himalayan Yogiyude Athmakadha

Apprenticed to a Himalayan master - A yogi's Autobiography എന്ന കൃതിയുടെ മലയാള പരിഭാഷ. ശ്രീ എം തിരുവനന്തപുരത്ത് ജനിച്ചു. ബാല്യകാലം മുതൽ ചില അസാധാരണ ചിന്തകളും അനുഭവങ്ങളും അദ്ദേഹത്തെ പിൻതുടർന്നിരുന്നു. പൗരാണിക വിജ്ഞാനത്തിലും സാധനക്രമങ്ങളിലും പ്രത്യേക താൽപര്യം പ്രകടിപ്പിച്ചിരുന്നു. ഇസ്ലാമിക കുടുംബത്തിലായിരുന്നു ജനനം എങ്കിലും ഭാരതീയ വേദവിജ്ഞാനങ്ങളിലും അനുഷ്ഠാനങ്ങളിലും വലിയ പാണ്ഡിത്യം നേടുകയുണ്ടായി. കേവലം യാദൃശ്ചികമായല്ല, അതിലേക്കുനയിച്ച ആ സ്ഥിതിവിശേഷങ്ങളും സംഭവബഹുലമായ ജീവിതവും ആത്മകഥയിൽ വായിക്കാം. മിക്കവാറും എല്ലാ മതങ്ങളിലും അവഗാഹം നേടിയിട്ടുണ്ട്. ഭാരതത്തിന്റെ തെക്കെ അറ്റം മുതൽ ഹിമാലയം വരെയെത്തിനിൽക്കുന്നതാണ്‌. ഗുരുവിനെത്തേടിയുള്ള അദ്ദേഹത്തിന്റെ യാത്ര. സൂഫിസവും പൗരാണിക ഭാരതീയ ദർശനങ്ങളും യാത്രയിലുടനീളം കാണാം. ഇന്ത്യയിൽ ഇന്നുകാണുന്ന വിവിധതരം സന്യാസി സമ്പ്രദായങ്ങൾ, മഠങ്ങൾ, ക്ഷേത്രങ്ങൾ, ആചാരങ്ങൾ, വിവിധതരം ആശ്രമങ്ങളും ആത്മീയപ്രസ്ഥനങ്ങളും, അവയുടെ അന്തസത്തയും അന്തഃഛിദ്രവും തമ്മിലുള്ള തിരിച്ചറിവുകൾ എന്നിവയെക്കുറിച്ചെല്ലാം ലഘുവിവരണങ്ങൾ അടങ്ങിയിരിക്കുന്നു. ഹിമാലയത്തിൽ വച്ച് ആ ഗുരുവിനെ കണ്ടുമുട്ടുകയും ആത്മീയവും വിസ്മയകരവും അവിസ്മരണീയവുമായ ജീവിതം നയിക്കുകയും ഗുരുവിന്റെ നിർദ്ദേശപ്രകാരം ലൗകികജീവിതത്തിലേക്ക് മടങ്ങിവരികയും ശ്രീ എം എന്നപേരിൽ അറിയപ്പെടുകയും ചെയ്തു. ഗുരുവിൽ നിന്നും സ്വീകരിച്ച തത്വങ്ങളും സാധനക്രമങ്ങളും ലോകമെമ്പാടും പ്രചരിപ്പിക്കുകയും ചെയ്യുന്നു. ശ്രീഗുരുബാബാജിയെക്കുറിച്ചും ക്രിയായോഗയെക്കുറിച്ചും കൂടുതൽ വിവരങ്ങൾ. ആശയങ്ങളുടെ പ്രചരണാർത്ഥം SatsangFoundation എന്നൊരു സംഘടനയ്ക്കും രൂപം നൽകിയിട്ടുണ്ട്. ഇന്ന് ലോകമെമ്പാടും സഞ്ചരിച്ചുകൊണ്ടിരിക്കുന്നു.

(ആത്മീയപര്യടനമെന്നനിലയിലോ ഹിമാലയൻ യാത്രയെന്നനിലയിലോ ഈ പുസ്തത്തിനുള്ള അന്തസത്ത പുസ്തകപരിചയത്തിൽ ഉൾക്കൊള്ളാനായിട്ടില്ല എന്ന് അറിയുക. ബാഹ്യമായ ഒരു നിരീക്ഷണമെന്ന നിലയിൽ മാത്രം ഈ പുസ്തകപരിചയത്തെ കരുതാം. ആഴത്തിലുള്ള വായനയിൽ ഓരോരുത്തരുടെയും ലോകം വ്യത്യസ്തമായേക്കാം! നിങ്ങളുടെ നിരീക്ഷണങ്ങളിലേക്കും അനുഭവങ്ങളിലേക്കും നിങ്ങൾതന്നെ ചെന്നെത്തേണ്ടതുണ്ട്...)
~~~!~~~
Book Name: ഗുരുസമക്ഷം-ഒരു ഹിമാലയൻ യോഗിയുടെ ആത്മകഥ
Gurusamaksham-Oru Himalayan Yogiyude Athmakadha
Author: ശ്രീ എം Sri M
Category: ആത്മകഥ Autobiography
Language: Malayalam
Translation: ഡി. തങ്കപ്പൻനായർ D. Thankappan Nair
Publishers: D C Books, Kottayam
First Published: April 2012
ISBN 978-81-264-3504-3
Pages: 350 Price: Rs.225/-

10 comments:

  1. THANK YOU VERY MUCH MY DEAR FRIEND FOR THIS VALUABLE INFORMATION

    ReplyDelete
  2. ഗുരുസമക്ഷം!!

    ReplyDelete
    Replies
    1. വരവിനും വായനയ്ക്കും നന്ദി...

      Delete
  3. പരിചയപ്പെടുത്തൽ നന്നായി.

    ReplyDelete
  4. മിനിപിസിSeptember 07, 2013 3:31 PM

    നന്നായി പരിചയപ്പെടുത്തിയിരിക്കുന്നു ///വായിക്കട്ടെ .

    ReplyDelete
    Replies
    1. വായിക്കുകയും അഭിപ്രായം എഴുതുകയും ചെയ്തതിന്‌ നന്ദി...

      Delete
  5. മൂന്നു തവണ ഗുരുജിയെ മദനപ്പള്ളിയിൽ പോയി കാണാനുള്ള ഭാഗ്യം ലഭിച്ചു.....!

    ReplyDelete
    Replies
    1. ഞാൻ ഇതുവരെ കണ്ടിട്ടില്ല. ഇത്തവണയും സാധിച്ചില്ല...

      Delete